13 Mar Reparto de 3.000 bolsas de tea para distribuir no tecido comercial de Moaña
Esta mañá fíxose entrega de 3.000 bolsas de tea ás persoas representantes das asociacións ACIMO e ASEMMO de Moaña. As bolsas estarán a disposición de todos aqueles comercios que queiran sumarse a esta iniciativa e se animen a substituír os materiais plásticos das súas bolsas por materiais máis sostibles. As bolsas estarán a disposición dos comercios a partires do luns día 15 de marzo e poderán ser recollidas no edificio do Concello.
Este reparto forma parte do porxecto “Moaña Libre de Plásticos” e do seu compromiso de concienciar a toda a cidadanía sobre a contaminación mariña e eliminar o impacto dos residuos plásticos no medio ambiente, sobre todo das bolsas de plásticos dun só uso. O obxectivo desta acción é mitigar o nivel de contaminación plástica na nosa contorna e poder desenvolver boas prácticas como esta en todo o Concello de Moaña.
FONTE: morrazonoticias.com
farodevigo.es